Состанок на групата на скопскиот аеродром во 14:30 часот.

Полетување кон Неапол во 16:30 часот со директен лет на авиокомпанијата Wizz Air.

Пристигнување на аеродромот во Неапол во 18:10 часот.

По пасошката и царинската контрола следува организиран трансфер до хотелот.

Сместување во хотел и слободно време за одмор.

Во вечерните часови следува првото запознавање со Неапол со придружникот од агенцијата.

Ноќевање.

Појадок во хотел.

По појадокот можност за факултативна посета на еден од најпознатите делови на италијанското крајбрежје – Амалфитанскиот брег.

Брегот Амалфи е вклучен во списокот на светското наследство на UNESCO како извонреден пример на медитерански пејзаж со голема културна и природна вредност.

Позитано и Амалфи

Во рамки на посетата ќе имате можност да уживате во дел од најпознатите места на брегот – Позитано и Амалфи, како и во автентичната атмосфера на малите крајбрежни населби.

Ќе уживаме во прекрасните пејзажи, високите карпи, волшебните заливи и терасите испреплетени со цитрусни овошја, лозја и маслинови дрвја.

Регионот е познат и по продавниците за висока мода, локалните производи и занаетчиските работилници.

Во договорено време враќање назад во хотел.

Ноќевање.

Појадок во хотел.

Препорачуваме факултативна посета на еден од најегзотичните и најпознатите острови во Италија – Капри.

Островот е познат по своите стрмни карпи, тиркизното море, легендарната Сина пештера, бујната медитеранска вегетација и прекрасните пејзажи.

Капри со векови ги привлекува уметниците, познатите личности и љубителите на автентичното италијанско доживување.

Патување до Капри

Возење со јавен трансфер до пристаништето, кој не е вклучен во цената, а потоа качување на катамаран кон островот Капри.

По пристигнувањето во пристаништето Marina Grande, следува трансфер до Анакапри.

Анакапри

Можност за посета на Вилата Сан Микеле, позната по бројните антички артефакти и прекрасната градина, или возење со жичарница до видиковецот Монте Соларо, од каде се пружа прекрасен поглед кон островот и Неаполскиот Залив.

Слободно време за еспресо и традиционално италијанско корнето.

Град Капри

Продолжуваме кон градот Капри, сместен на околу 142 метри надморска височина.

Разглед на плоштадот Умберто I – познат како Piazzetta, Катедралата Св. Стефан и Августовите градини.

Прошетка по главната улица со луксузни вили, хотели, ресторани и бутици на светски познати модни брендови.

Од видиковецот се пружа поглед кон познатите Фараљони – необичните карпи кои се едни од најпознатите природни симболи на островот.

Слободно време за ручек во некоја од типичните таверни и уживање во убавините на Капри.

Во попладневните часови враќање со брод, а потоа во договорено време враќање во хотел.

Ноќевање.

Појадок во хотел и одјавување.

Последниот ден е наменет за дополнително уживање во Неапол.

Препорачуваме пешачка тура низ градското јадро со локален водич, со можност да го запознаете стариот дел на градот и неговите историски знаменитости.

Слободно време за традиционална наполитанска пица Маргарита, италијанско кафе и неизбежното џелато.

Во договорено време следува организиран трансфер до аеродромот.

Полетување кон Скопје во 18:45 часот со директен лет на авиокомпанијата Wizz Air.

Слетување во Скопје во 20:15 часот.